Zaxarovanın sözlərinə görə, Rusiya tərəfi azad edilmiş vətəndaşlarının vətənlərinə qayıtması ilə bağlı məsələləri təcili olaraq həll edir.
Gündəm24.az xəbər verir ki, ABŞ Prezidenti Donald Tramp Rusiyanın müraciətinə cavab olaraq Marinera tanker heyətindən iki rusiyalını azad etmək qərarına gəlib və Moskva bu addıma görə minnətdarlığını bildirir. Bu barədə Rusiya Xarici İşlər Nazirliyinin sözçüsü Mariya Zaxarova bildirib.
Diplomat açıqlamasında qeyd edib ki, “Müraciətimizə cavab olaraq, Prezident Tramp əvvəllər Şimali Atlantikada əməliyyat zamanı ABŞ tərəfindən saxlanılan Marinera heyətindəki iki Rusiya vətəndaşını azad etmək qərarına gəlib. Biz bu qərarı alqışlayırıq və ABŞ rəhbərliyinə minnətdarlığımızı bildiririk”.
Zaxarovanın sözlərinə görə, Rusiya tərəfi azad edilmiş vətəndaşlarının vətənlərinə qayıtması ilə bağlı məsələləri təcili olaraq həll edir.
Sədaqət Həsənova
