Nazirlik qeyd edib ki, Qətər diplomatik missiyasının yaxınlığında heç bir təyin olunmuş hərbi hədəf olmayıb.
Gündəm24.az xəbər verir ki, Rusiya Xarici İşlər Nazirliyi bildirib ki, Kiyevdəki Qətər səfirliyinin binası Ukraynanın hava hücumundan müdafiə sistemlərinin nasazlığı səbəbindən zədələnib və diplomatik nümayəndəliyin yaxınlığında Rusiya hədəfləri olmayıb.
Nazirlik qeyd edib ki, Ukrayna mənbələri dezinformasiya yayır və iddia edir ki, Qətər səfirliyinə dəyən ziyan 9 yanvarda Rusiyanın zərbəsi nəticəsində baş verib.
Bəyanatda deyilir: “Diplomatik missiyalar heç vaxt Rusiya ordusunun hədəfi olmayıb. Qətər diplomatik missiyasının yaxınlığında heç bir təyin olunmuş hərbi hədəf olmayıb ki, bu da zərərin Ukraynanın hava hücumundan müdafiə sisteminin sıradan çıxması nəticəsində yarandığını göstərir”.
Sədaqət Həsənova
