Gündəm24.az xəbər verir ki, ABŞ prezidenti Donald Tramp Tehranın nüvə proqramını müzakirə etmək üçün İran nümayəndələri ilə görüşməyə razılıq verib. Ağ Evin mətbuat xidmətinin məlumatına görə, “İran rəhbərliyinin nümayəndələri” yanvarın 10-da Trampa zəng ediblər və danışıqların keçirilə biləcəyini bildiriblər. Tramp isə “İran danışıqlar aparmaq istəyir, bəli. Biz onlarla görüşə bilərik” deyə açıqlama verib.
Reuters-in məlumatına görə, danışıqlar əsasən Tehranın nüvə proqramı ilə bağlı olub. ABŞ lideri həmçinin Vaşinqtonun İranın müxalifət qüvvələri ilə əlaqə saxladığını qeyd edib.
Tarixi kontekstə baxsaq, 2015-ci ildə İran və Böyük Britaniya, Almaniya, Çin, Rusiya, ABŞ və Fransa Birgə Hərtərəfli Fəaliyyət Planını (BHFP) imzalayaraq 2002-ci ildən davam edən nüvə böhranına son qoymuşdular. Lakin 2018-ci ildə Tramp ABŞ-ın müqavilədən çıxdığını elan etdi və İran əleyhinə bütün sanksiyaları bərpa etdi. Buna cavab olaraq Tehran 2020-ci ildə BHFP öhdəliklərini azaltmağa və BAEA müfəttişlərinin nüvə obyektlərinə girişini məhdudlaşdırmağa başladı. Yoxlamalar 2025-ci ilin iyununa qədər davam etdi, İran-İsrail gərginliyi ilə birlikdə yeni mərhələyə qədəm qoydu.
Sədaqət Həsənova
