Peter Siyarto, Respublikaçı Donald Trampın ABŞ prezidentliyinə qayıdışının və dünyada sağçı partiyaların güclənməsinin beynəlxalq siyasətdə fundamental dəyişikliklərə səbəb olduğunu iddia etdi.
Gündəm24.az xəbər verir ki, Macarıstan XİN rəhbəri Peter Siyarto Litvada sağçı liderlə görüşdən sonra Aİ-ni “dəyişən dünyada yerini tapa bilmir və Rusiyaya qarşı müharibə axtarır” sözləri ilə sərt tənqid edib.
O bildirib ki, Trampın ABŞ prezidentliyinə qayıdışı və sağçı partiyaların yüksəlişi beynəlxalq siyasətdə fundamental dəyişikliklərə səbəb olub.
Siyarto vurğulayıb ki, Avropa öz yerini tapa bilmir və Brüssel tam təcrid olunub, bu səbəbdən Aİ həm qlobal siyasətdə, həm də iqtisadiyyatda dominant rolunu itirib.
Nazir qeyd edib ki, Böyük Britaniya və Fransa qoşunlarını Ukraynaya göndərərkən, Brüssel Rusiyaya qarşı müharibəyə doğru irəliləyir.
O, Brüssel sanksiyaları vasitəsilə Avropanın hərbi iqtisadiyyat qurduğunu, miqrantları qəbul etdiyini və “gender dəliliklərini” yaymaq istədiyini bildirib.
Siyarto Macarıstan hökumətinin mövqeyini açıqlayaraq müharibə yox, sülh istədiklərini və Ukraynaya əsgər göndərmək əvəzinə sülh danışıqlarını dəstəklədiklərini vurğulayıb.
O əlavə edib ki, Qərbi Avropa siyasətçiləri Macarıstana Brüssel və Ukrayna tərəfdarı “kukla hökumət” diktə etməyə çalışır və yalnız böyük Avropa vətənpərvərlik dəyişikliyi vəziyyəti dəyişə bilər.
Sədaqət Həsənova
