İran rialının kəskin devalvasiyasından sonra Tehranda etirazlar başlayıb.
Gündəm24.az xəbər verir ki, İranın şimal-şərqindəki Məşhəd şəhərinin narkotiklərə nəzarət idarəsinin rəisi general Cavad Keşavərz iğtişaşçılarla əlaqəli hücumda öldürülüb. Bu barədə Rəzəvi-Xorasan əyalətinin hüquq-mühafizə qüvvələrinin komandanlığı məlumat verib.
İran dövlət televiziyasının verdiyi məlumata görə, “Məşhəd şəhər polis idarəsinin narkotiklərlə mübarizə şöbəsinin rəisi, briqada generalı Cavad Keşavərz şəhərdə silahlı terrorçuların hücumu nəticəsində öldürülüb”.
Dekabrın 29-da İran rialının kəskin devalvasiyasından sonra Tehranda etirazlar başladı. Növbəti gün tələbələr nümayişlərə qoşuldular. İğtişaşlar ölkənin əksər böyük şəhərlərinə yayıldı. Zorakılıq 8 yanvar axşamı pik həddə çatdı və nəticədə 3 yaşlı uşaq da daxil olmaqla ən azı 13 mülki şəxsin ölümü və 38 hüquq-mühafizə orqanı əməkdaşının ölümü ilə nəticələndi. İran hakimiyyəti etirazların arxasında İsrail və ABŞ-ın dayandığını iddia edərək iğtişaşçıları “terrorçu” adlandırdı.
Sədaqət Həsənova
