Danimarka xarici işlər naziri Rasmussen bildirib ki, Ağ Ev Prezident Trampın Qrenlandiya ilə bağlı iddiasına ciddi yanaşdığını açıq şəkildə bildirib.
Gündəm24.az xəbər verir ki, Danimarkanın xarici işlər naziri Lars Lokke Rasmussen ABŞ Prezidenti Donald Trampın Qrenlandiyaya iddiası ilə bağlı ciddi olduğunu bildirib. Nazir vurğulayıb ki, “Prezidentin məqsədinin açıq şəkildə ifadə edildiyi mənə son dərəcə aydındır”.
Rasmussen həmçinin qeyd edib ki, Vaşinqton bölgəni zorla ələ keçirməyə çalışa bilər, lakin Qrenlandiya bunu qəbul edə bilməz. Son sorğulara görə, ada əhalisinin yalnız altı faizi amerikalı olmaq istəyir.
Tramp daha əvvəl Danimarkadan Qrenlandiyadan çıxmasını tələb etmiş, NATO-nu adanın nəzarətini bərpa etmək üçün ABŞ-a kömək etməyə çağırmışdı. O, adanın strateji əhəmiyyətini əsas gətirərək, Qrenlandiyanın milli təhlükəsizlik və “azad dünyanın müdafiəsi” üçün önəmli olduğunu vurğulayıb və məqsədinə çatmaq üçün hərbi gücdən istifadə etməyəcəyinə dair vəd verməkdən imtina edib.
ABŞ-ın Luiziana qubernatoru Ceff Lendrini Qrenlandiya üzrə xüsusi nümayəndə təyin etdiyi bildirilib. Lendri ABŞ-ın adanı ilhaq etmək niyyətini təsdiqləyib. Venesueladakı hərbi əməliyyatdan sonra Qrenlandiya ətrafında gərginlik artıb və Tramp ABŞ-ın adaya ehtiyacı olduğunu bir daha vurğulayıb.
Qrenlandiyada bu siyasət sərt tənqidlərə səbəb olub. Parlamentdəki bütün partiyaların liderləri Vaşinqtonun ritorikasını pisləyən bəyanat yayıb, Danimarkanın ABŞ-dakı səfiri isə Kopenhagen və Vaşinqtonun yaxın müttəfiqlər olduğunu xatırladıb.
Sədaqət Həsənova
