Səlahiyyətlilər bütün sərnişinlərə hava limanına gəlməzdən əvvəl uçuşları haqqında ən son məlumatları əldə etmələrini tövsiyə edirlər.
Gündəm24.az xəbər verir ki, İranın hava məkanı tranzit uçuşlar da daxil olmaqla bütün uçuşlar üçün açıqdır və ölkənin hava limanları tam işlək vəziyyətdədir.
İslam Respublikasının Mülki Aviasiya Təşkilatı açıqlayıb ki, “İranın hava məkanı tranzit, giriş və çıxış uçuşlarını qəbul edir və hava limanları sərnişinlərə xidmət göstərir”.
Səlahiyyətlilər sərnişinlərə tövsiyə edirlər ki, hava limanına çatmazdan əvvəl 199 nömrəsinə zəng edərək uçuşlar haqqında ən son məlumatları əldə etsinlər.
Qeyd edək ki, bir müddət əvvəl “Əl-Hədəs” televiziya kanalı İranın İraqdan uçan təyyarələr üçün hava məkanını bağladığını xəbər vermişdi.
Sədaqət Həsənova
