Andrey Kelin qeyd edib ki, Qərb ölkələri uzun müddətdir ki, “Rusiyaya nifrət etmək” cəhdlərində ikili standartlara güvəniblər, lakin onların beynəlxalq hüquqa məhəl qoymaması artıq “görünməmiş səviyyəyə” çatıb.
Gündəm24.az xəbər verir ki, Rusiya səfiri Andrey Kelin “İzvestiya”ya açıqlamasında Londonda Rusiya gəmilərinin ələ keçirilməsi ilə bağlı səslənən fikirləri sərt tənqid edib və bunu piratçılıq dövrünə qayıdış kimi qiymətləndirib. Kelin bildirib ki, Britaniya siyasətçilərinin ritorikası Qarasaqqal ləqəbli pirat Edvard Tiç dövrünü xatırladır və Böyük Britaniya artıq “dənizlərin hökmdarı” statusunu çoxdan itirib.
Səfir həmçinin Qərb ölkələrinin Rusiyaya qarşı ikili standartlara söykəndiyini və beynəlxalq hüquqa məhəl qoymamağın görünməmiş həddə çatdığını vurğulayıb. BBC-nin məlumatına görə, Britaniya hökuməti Rusiya gəmilərinin saxlanması üçün hüquqi əsas kimi 2018-ci il Sanksiyalar və Çirkli Pulların Yuyulması Qanunundan istifadə etməyi planlaşdırır.
Rusiya Xarici İşlər Nazirliyi isə ABŞ və Böyük Britaniyanı beynəlxalq dəniz naviqasiyasının əsas prinsiplərinə əməl etməyə və açıq dənizlərdə qanuni fəaliyyət göstərən gəmilərə qarşı hərəkətləri dərhal dayandırmağa çağırıb.
Sədaqət Həsənova
