Serbiyanın mədən və energetika naziri Dubravka Djedoviç-Handanoviçin sözlərinə görə, Birləşmiş Ərəb Əmirliklərindən olan tərəfdaşların sazişdə iştirakı gözlənilir.
Gündəm24.az xəbər verir ki, “Qazprom” və Macarıstanın MOL şirkəti NIS-in (Neftna Industrija Srbije) paylarının alınması üzrə müqavilənin şərtlərində razılığa gəlib. Serbiya şirkətdəki payını 5% artıracaq və səhmdarların iclaslarında daha geniş qərarvermə hüququ qazanacaq. Sazişin şərtləri tezliklə ABŞ Maliyyə Nazirliyinin Xarici Aktivlərə Nəzarət İdarəsinə təqdim olunacaq, BƏƏ-dən olan tərəfdaşların iştirakı da gözlənilir.
Müqavilənin martın 24-dək başa çatdırılması planlaşdırılır və MOL Pancevo neft emalı zavodunu bağlamayacaq, istehsalı azaltmayacaq. NIS sahibləri ABŞ sanksiyalarına məruz qalmamaq üçün aktivlərini satmaq məcburiyyətindədir; şirkət Serbiya, Bolqarıstan, Bosniya və Herseqovina, Macarıstan və Rumıniyada fəaliyyət göstərir. Əsas səhmdarlar Qazprom Neft, Serbiya və ASC Intelligence-dir.
Sədaqət Həsənova
