Türkiyənin məşhur müğənni İbrahim Tatlısəs Moskova konsertindən dönüşdə İstanbul Hava Limanında jurnalistlərə açıqlama verib.
Gündəm24.az Bakupost.az-a istinadən xəbər verir ki, ifaçı sözlərinə görə, yaxın zamanda “İbo Show” ilə ekranlara qayıdacaq.
Tatlısəs həmçinin qızı Dilan Çıtak və oğlu Əhməd Tatlı ilə yaşadığı problemə toxunarkən sərt ifadələr işlədib: “Məni aldatdılar, pulumu, hər şeyimi oğurladılar. Buna görə məhkəməyə müraciət etdim”.
Xatırladaq ki, 2024-cü ildə Bodrumda yaşanan hadisə zamanı Tatlısəsin qızı ona qarşı fiziki zor tətbiq etmiş və bu hərəkət silahlı insident sayılmışdı. İfaçı əvvəlcə şikayətini geri çəksə də, proses məhkəmə işinə qədər getmiş və Tatlısəs prokurorluqda ifadə verməyə məcbur olmuşdu.
Müğənni sonra bildirib ki, “Biri oğlan, biri qız. Onlar özlərini tanıyırlar. Məzarıma belə yaxın buraxılmamasını istəmişəm.”
Bu açıqlama ilə Tatlısəs ailəsi ilə bağlı məsələdə mövqeyini dəyişmədiyini və iddialarını davam etdirdiyini vurğulayıb.
