Türkiyənin xarici işlər naziri Hakan Fidan tərəflərin vacib məsələləri müzakirə etdiyini bildirib.
Gündəm24.az xəbər verir ki, bu haqda Anadolu Agentliyi məlumat yayıb. Türkiyənin xarici işlər naziri bildirib ki, İran və ABŞ arasında nüvə danışıqlarının yenidən başlaması region üçün böyük əhəmiyyət daşıyır və İranın qlobal iqtisadiyyata inteqrasiyasına yol aça bilər. O vurğulayıb ki, Ankara hərbi müdaxilənin əleyhinədir, problemlərin yalnız dialoq və diplomatiya yolu ilə həllini dəstəkləyir. Nazir İsrailin ABŞ-ni İrana qarşı hücuma təşviq etdiyini qeyd edərək, Təl-Əvivin bölgədəki militarist siyasətinə son qoymalı olduğunu deyib. Görüşdə Qəzza məsələsinin də müzakirə olunduğu, Türkiyənin atəşkəsin qorunması üçün səylərini davam etdirdiyi bildirilib. Suriya ilə bağlı isə SDF-nin Suriya ordusuna inteqrasiyası barədə əldə olunan razılaşmanın yaxından izlənildiyi açıqlanıb.
Sədaqət Həsənova
