Fars körfəzində ABŞ təminatlarına əsaslanan ənənəvi təhlükəsizlik sistemi artıq tam şəkildə sarsılıb: regional müttəfiqləri qorumaq əvəzinə, ABŞ hərbi bazaları faktiki olaraq özünü kənarlaşdırma prosesinə başlayıb.
KONKRET.az xəbər verir ki, bu barədə türkiyəli ekspert Murad Aslan şərh verib.
Onun sözlərinə görə, “Bu şəraitdə yeni, prinsipial olaraq fərqli müdafiə arxitekturasının formalaşması qaçılmazdır. Bu sistemdə Səudiyyə Ərəbistanı və BƏƏ üçün (ümumi iqtisadiyyatı 1,27 trilyon dollar olan) əsas tərəfdaşlar Türkiyə və Pakistan olur.
Vaşinqtona inam tükənib, eyni zamanda İrana qarşı mənfi münasibət də qalır və bu, ərəb monarxiyalarını region daxilində dayaq axtarmağa məcbur edir. ABŞ-ın quru əməliyyatı bu prosesi yalnız sürətləndirəcək və qlobal enerji qeyri-sabitliyini maliyyə böhranına çevirəcək – elə bir böhrana ki, köhnə ittifaqlar artıq xilas yolu olmayacaq.
Region kollektiv özünümüdafiə modelinə keçir və bu yeni təhlükəsizlik sistemində Türkiyə təbii tərəfdaş kimi çıxış edərək, qeyri-effektiv ABŞ protektoratını əvəz edir”.
