Yağışlı havada sürücülərin sürəti artırması piyadalar üçün əsl problemə çevrilir.
Gündəm24.az xəbər verir ki, paytaxtın müxtəlif küçələrində yollarda yığılan su avtomobillərin təkərləri vasitəsilə yol kənarında dayanan insanların üzərinə sıçrayır. Bu isə həm narazılıq yaradır, həm də təhlükəsizlik baxımından risk sayılır.
Çəkiliş apardığımız zaman şahidi olduq ki, həqiqətən də bəzi sürücülər buna əməl etmirlər. Elə reportaj hazırladığımız zaman biz də belə sürücüdən zərər çəkdik.
Baş Dövlət Yol Polisi İdarəsi sürücülərə yağışlı havada daha diqqətli olmağı tövsiyə edir. Bildirilir ki, piyadaların təhlükəsizliyi hərəkət iştirakçıları tərəfindən mütləq nəzərə alınmalıdır.
Qeyd edək ki, belə hallara yol verən sürücü aşkar edildikdə inzibati xətalar məcəlləsinin 342.1.5-ci maddəsinə əsasən, su və ya palçığın yolda piyadalara, binalara və ya nəqliyyat vasitələrinə qəsdən sıçradılmasına görə 40 manat cərimə nəzərdə tutulub.
Xezerxeber.az mövzu ilə bağlı daha ətraflı videomaterialı təqdim edir.
