Braziliyada yüngül mühərrikli təyyarənin restorana çırpılması nəticəsində 4 nəfər həlak olub.
Gündəm24.az xəbər verir ki, hadisə bu gün Kapau da Kanoa bələdiyyəsində, yerli aerodromun yaxınlığında yerləşən turist küçəsində baş verib. Məlumata görə, Piper JetPROP DLX tipli təyyarə uçuş zamanı elektrik dirəyinə çırpılıb, daha sonra bir neçə metr hündürlükdən yerə düşərək içərisində insanların olduğu kafeyə çırpılıb.
Təyyarədə pilot, evli cütlük və daha bir kişi olub. Qəza nəticəsində onların hamısı həyatını itirib.
Hadisədən sonra baş verən yanğın qısa müddətdə yaxınlıqdakı binalara da yayılıb. Yerli xilasedicilər alovu nəzarət altına almaq üçün bir neçə saat mübarizə aparıblar./Ajans.az/
