Son dəqiqə xəbərinə görə: Şanlıurfanın Siverek rayonunda liseyin qarşısında silah səsləri eşidilib. Məktəbə daxil olan hücumçunun təsadüfi atəş açdığı və 7 nəfərin yaralandığı bildirilib.
Gündəm24.az Türkiyə mediasına istinadən xəbər verir ki, əldə edilən məlumata görə, Hasan Çələbi məhəlləsində yerləşən Ahmet Koyuncu Peşə və Texniki Anadolu Liseyində bir şagirdin silahlı hücum həyata keçirdiyi iddia olunur. Hadisə zamanı bəzi şagirdlərin yaralandığı bildirilir. Məlumat daxil olduqdan sonra əraziyə təcili tibbi yardım, polis və xüsusi təyinatlı qüvvələr cəlb edilib. Məktəb daxilində olan hücumçunun bəzi şagirdləri girov götürdüyü irəli sürülür. Təhlükəsizlik qüvvələri tərəfindən məktəbdə olan şagirdlərin böyük hissəsinin təxliyə edildiyi öyrənilib. Hadisə anına aid qorxulu görüntülər mobil telefon kameralarına əks olunub. Bölgədə hücumçunun zərərsizləşdirilməsi istiqamətində əməliyyat davam edir.
