Populyar mesajlaşma platforması “WhatsApp” istifadəçilər üçün daha bir maraqlı yenilik hazırlayır. Şirkət, “Android üçün 2.25.29.12” beta versiyasında “Status sualları” adlı yeni funksiyanı test etməyə başlayıb.
Gündəm24.az xarici mediaya istinadən xəbər verir ki, yeni funksiya istifadəçilərə status paylaşımlarına “sual qutusu” əlavə etməyə imkan verəcək. Beləliklə, dostlar və izləyicilər həmin statusa özəl şəkildə cavab verə biləcəklər.“WhatsApp” bildirib ki, sual qutusuna göndərilən cavablar yalnız statusu paylaşan şəxs tərəfindən görünəcək. Məxfilik üçün bütün cavabların uçdan-uca şifrələmə ilə qorunacağı vurğulanıb.
Funksiya hazırda məhdud sayda beta istifadəçisi üçün əlçatandır. Lakin yaxın zamanda bu xüsusiyyətin bütün istifadəçilərə təqdim olunacağı gözlənilir.
Yeni “Status sualları” funksiyası Instagram-dakı interaktiv sual qutusu xüsusiyyətinə bənzəsə də, “WhatsApp” bu yeniliyi daha məxfi və fərdi ünsiyyət üçün uyğunlaşdırıb.
