Saray qəsəbəsində ilanların artması sakinlərin narahatlığına səbəb olub.
Sumqayit24.az-a müraciət edən vətəndaşların sözlərinə görə, qəsəbənin “Qurd dərəsi” adlanan ərazisində son vaxtlar ilanlara daha tez-tez rast gəlinir.
Sakinlərdən biri bildirib ki, ərazidə hətta zəhərli ilan növü hesab olunan gürzə də görüblər.
Vətəndaşlar ilanların yaşayış məntəqələrinə yaxın ərazilərdə müşahidə olunmasının təhlükə yaratdığını qeyd edərək, aidiyyəti qurumların məsələni araşdırmasını və zəruri tədbirlərin görülməsini istəyirlər.
