Qüvvədə olan atəşkəs rejiminə baxmayaraq İsrailin hücumları gecə və səhər saatlarında Livanın cənubunda davam edib.
Gündəm24.az xəbər verir ki, bu barədə Livanın Milli Xəbər Agentliyi (NNA) məlumat yayıb.
Agentliyin məlumatına görə, Livanın cənubundakı bir sıra yaşayış məntəqələrinə endirilən zərbələr nəticəsində ölən və yaralananlar var.
Bildirilir ki, Arab Salim kəndində iki mərhələli hücum nəticəsində üç nəfər həlak olub. Daha bir nəfər Deir ez-Zahrani bələdiyyəsinə edilən hücum zamanı ölüb. Ayrı bir hadisədə isə Doueir kəndinin şərq girişində motosikletə dron zərbəsi endirilməsi nəticəsində bir nəfərin öldüyü bildirilir.
Həmçinin An-Numeiriya kəndinə hava zərbəsi endirildiyi, nəticədə bir neçə yaşayış evinin dağıldığı qeyd olunur.
NNA-nın məlumatına görə, İsrail aviasiyası Kafr Ghoz qəsəbəsinə zərbələr endirib və bir yaşayış binasını məhv edib. Yarım saatdan az vaxt sonra isə daha bir bina vurulub.
Əlavə hava hücumları Kfar Reman, Nabatieh al-Fawqa, Choukin, Habboush, Zebdine, Sajd və Mahmoudiyeh bölgələrinə də endirilib.
Bundan başqa, İsrailə məxsus pilotsuz uçuş aparatı Nabatieh şəhərinin Rahbatə rayonuna və ətraf ərazilərə zərbə endirib./modern.az
