Rusiya Təhlükəsizlik Şurasının sədr müavini Dmitri Medvedev Moldova və Ermənistanın hazırkı xarici siyasət kursu ilə bağlı kəskin bəyanat yayıb.
Gündəm24.az xəbər verir ki, Medvedev Qərb hərbi blokunun Rusiya sərhədlərinə yaxınlaşmaq üçün oyuncaq rejimlərdən istifadə etdiyini vurğulayıb.
“Alyans ölkəmizlə tərəfdaşlığa can atması barədə gözəl sözlərin arxasında gizlənərək, reallıqda sərhədlərimizə tamamilə yaxınlaşıb. NATO bu prosesdə oyuncaq rejimlərdən bir alət kimi istifadə edir. Gürcüstanla belə olub, 2014-cü ildə rusofobiya ocağına çevrilən Ukrayna ilə də eyni ssenari yaşanıb. Təəssüf ki, hazırda eyni proses Moldova və hətta, heyf ki, Ermənistanla da baş verir”, — deyə Rusiya rəsmisi bildirib.
