Son beş ildə Sumqayıtda 14-29 yaşlı gənclərin sayı nəzərəçarpacaq dərəcədə artıb. Şəhər bu göstəriciyə görə ölkə üzrə ikinci yerdə qərarlaşıb.
Dövlət Statistika Komitəsinin 2022–2026-cı illər üzrə məlumatlarına əsasən, son beş ildə Sumqayıtda gənclərin sayı 9 min 190 nəfər artıb. Bu göstərici ilə şəhəri yalnız Abşeron rayonu qabaqlayır. Abşeronda həmin dövrdə gənclərin sayı 13 min 948 nəfər artaraq 94 min 872 nəfərdən 108 min 820 nəfərə yüksəlib.
İlk üçlüyü isə 4 min 521 nəfərlik artımla Xəzər rayonu tamamlayır.
Statistikaya görə, sonrakı yerlərdə Gəncə şəhəri (1574 nəfər), Şamaxı (1563 nəfər), Binəqədi (1550 nəfər), Mingəçevir (1411 nəfər), Füzuli (1354 nəfər), Kəngərli (1347 nəfər) və Ağcabədi (1087 nəfər) qərarlaşıb.
