Gənc cüdoçulardan ibarət Azərbaycan millisi təlim-məşq toplanışına start verib.
Sumqayit24.az xəbər verir ki, Xaçmaz rayonunun Nabran qəsəbəsində iki həftə davam edəcək məşq prosesi gənclər arasında Avropa çempionatına hazırlıq çərçivəsində təşkil olunub. Baş məşqçi Rüstəm Alimlinin rəhbərliyi ilə keçirilən məşqlərdə sumqayıtlı cüdoçular Süleyman Şükürov və Nihad Məmişov da iştirak edirlər.
Toplanış müddətində idmançıların dözümlülüyünün, güc göstəricilərinin və ümumi funksional hazırlığının daha da inkişaf etdirilməsi hədəflənir.
