Sumqayıtda qəsəbələrdən birində yaranan vəziyyət sakinlərin narazılığına səbəb olub.
Sumqayit24.az-a daxil olan məlumata görə, Hacı Zeynalabdin qəsəbəsində yerləşən yaşayış binalarından birinin qarşısında su xətti zədələnib. Belə ki, ərazidə uzun müddətdir su sızması davam edir. Nəticədə yolun bir hissəsi su və palçıq içərisində qalıb.
Sakinlərin sözlərinə görə, problem təxminən 3 ildir həllini tapmayıb. Onlar bildirirlər ki, nasazlıq həm piyadaların, həm də nəqliyyat vasitələrinin hərəkətində çətinlik yaradır.
Şikayətçilər aidiyyəti qurumlardan əraziyə baxış keçirilməsini, su xəttindəki nasazlığın aradan qaldırılmasını və problemin qısa müddətdə həll edilməsini xahiş edirlər.
