Sumqayıt şəhər İcra Hakimiyyətinin başçısı Zakir Fərəcov Qərbi Azərbaycan kökənli gənclərlə görüş keçirib.
Gündəm24.az xəbər verir ki, Sumqayıt şəhər İcra Hakimiyyətinin başçısı Zakir Fərəcov Qərbi Azərbaycan İcmasının Sumqayıt nümayəndəliyində bir qrup qərbi azərbaycanlı gənclərlə görüş keçirmişdir.
Görüşdə Qərbi Azərbaycan İcmasının Sumqayıt nümayəndəliyinin rəhbərliyi, bir qrup Qərbi Azərbaycan kökənli gənclər iştirak ediblər. Məqsəd Qərbi Azərbaycan həqiqətlərinin gənc nəsil arasında təbliği, gənclərin ictimai həyatda fəallığının artırılması və onların dövlətçilik ideallarına sadiqlik ruhunda formalaşması ilə bağlı məsələlərin müzakirəsi olmuşdur.
Görüşdə həmçinin gənclərin təşəbbüsləri, gələcək layihələri, Qərbi Azərbaycan irsinin qorunması və gənclərin sosial fəaliyyətinin genişləndirilməsi ilə bağlı fikir mübadiləsi aparılıb. Sonda xatirə şəkli çəkdirilib.
