Dünya şöhrətli müğənni Ledi Qaqa ana olub.
Axşam.az xəbər verir ki, 40 yaşlı sənətçi nişanlısı Maykl Polanski ilə övlad sahibi olub. Bu barədə “Page Six” məlumat yayıb. Daha sonra “People” nəşri də xəbəri təsdiqləyib.
Ledi Qaqa və Maykl Polanski yaxın günlərdə Şimali Kaliforniyada yeni doğulan körpələri ilə görüntüləniblər. Paparassilərin lentə aldığı fotolarda müğənninin körpəni sinəsinə bağlayaraq daşıdığı, Polanskinin isə onun yanında olduğu görünür.
Cütlük hələlik övladlarının adını, cinsiyyətini və doğum tarixini açıqlamayıb. Onlar sosial şəbəkə hesablarında da bu barədə paylaşım etməyiblər.
Qeyd edək ki, Ledi Qaqa və Maykl Polanskinin münasibəti 2019-cu ildən başlayıb. Cütlük 2024-cü ildə nişanlanıb. Qaqa nişanlısını ilk dəfə həmin il Paris Olimpiadası zamanı ictimaiyyətə “nişanlım” kimi təqdim edib.
Polanski biznesmen və sahibkardır. Ledi Qaqa daha əvvəl onun həm də ən yaxın dostu olduğunu və özünü çox dəstəklədiyini açıqlayıb.
