Gündəm24.az xəbər verir ki, Qərbi Azərbaycan İcmasının Sumqayıt nümayəndəliyi ilə Sumqayıt şəhərində fəaliyyət göstərən “Gənclər evi” sosial xidmət müəssisəsinin birgə təşəbbüsü ilə “Yeni Azərbaycan Partiyasının siyasi xətti, gənclər siyasəti və Qərbi Azərbaycan həqiqətlərinin təbliği” mövzusunda tədbir keçirilib.
Tədbirdə Yeni Azərbaycan Partiyasının siyasi xətti, dövlətçilik ənənələri, gənclərin ictimai-siyasi həyatda iştirakı, eləcə də Qərbi Azərbaycan həqiqətlərinin təbliği və tarixi yaddaşın qorunması məsələləri müzakirə olunub.
Tədbiri giriş sözü ilə açan Qərbi Azərbaycan İcmasının Sumqayıt nümayəndəliyinin sədri Ramiz İsmayılov Yeni Azərbaycan Partiyasının fəaliyyət istiqamətlərindən, dövlətçilik ənənələrinin qorunmasından və gənclərin ictimai-siyasi proseslərdə iştirakının əhəmiyyətindən bəhs edib. O, gənclərin milli-mənəvi dəyərlərə bağlı, fəal vətəndaş kimi yetişməsinin vacibliyini vurğulayıb.
“Gənclər evi” sosial xidmət müəssisəsinin rəhbəri Nərgiz Nağıyeva gənclər siyasətinin əsas istiqamətlərinə, gənclərin ictimai həyatda fəallığının artırılmasına və onların təşəbbüslərinin dəstəklənməsinə toxunub. O, gənclərin cəmiyyətin inkişafında fəal iştirakının vacibliyini qeyd edib.
Qərbi Azərbaycan İcmasının Sumqayıt nümayəndəliyinin idarə heyətinin üzvü Nazim Hüseynov Qərbi Azərbaycan həqiqətlərinin qorunub saxlanılmasının və gələcək nəsillərə çatdırılmasının vacibliyini önə çəkib. O, tarixi irsin öyrənilməsinin və deportasiya yaddaşının yaşadılmasının əhəmiyyətini diqqətə çatdırıb.
İcmanın Sumqayıt nümayəndəliyinin idarə heyətinin üzvü Baxşeyiş Ələmşahov isə gənclərin milli kimliyə bağlılığının gücləndirilməsinin, tarixi irsin öyrənilməsinin və Qərbi Azərbaycan həqiqətlərinin təbliğində fəal iştirakının əhəmiyyətini xüsusi qeyd edib.
Tədbirdə Qərbi Azərbaycan mənşəli sumqayıtlı gənc Nəzrin Fəyyaz YAP-dakı uğurlarına görə təbrik edilib, ona gələcək fəaliyyətində uğurlar arzulanıb.
Görüşdə gənclərin dövlətçilik ənənələrinə, milli-mənəvi dəyərlərə və tarixi irsə bağlılığının gücləndirilməsinin, eləcə də Qərbi Azərbaycan həqiqətlərinin təbliği istiqamətində maarifləndirmə işlərinin aparılmasının əhəmiyyəti vurğulanıb.
Sonda tədbir iştirakçıları xatirə şəkilləri çəkdiriblər.
