Cənubi Afrikada keçirilən G20 sammitindən sonra ölkələr BMT Təhlükəsizlik Şurasının yenilənməsi barədə razılığa gəliblər. Yekun bəyannamədə bu qurumun müasir dünyanın əksi hesab edilməyəcəyi bildirilib.
Gündəm24.az Globalinfo.az-a istinadən xəbər verir ki, liderlərin fikrincə, islahatlar Şuranı daha təmsilçi, şəffaf və effektiv quruma çevirməlidir.
Sənəddə qeyd olunur ki, dəyişikliklər məsuliyyətin daha yaxşı bölüşdürülməsinə və qərarlarının etibarlılığının artırılmasına kömək edəcək.
Zirvə toplantısı iştirakçıları Təhlükəsizlik Şurasının işinə indiyədək heç qoşulmayan bölgələrin fəaliyyətini artırmaq üçün, qurumun genişləndirilməsinin vacibliyini vurğulayıblar.
Bəyannamədə Afrika, Asiya-Sakit Okean bölgəsi, Latın Amerikası və Karib dənizi xüsusi olaraq qeyd edilib.
Prezidenti Rəcəb Tayyib Ərdoğan da çıxışında BMT sistemində islahatların aparılmasının vacibliyini vurğulayaraq, Türkiyənin bu prosesə töhfə verməyə hazır olduğunu qeyd edib.
G20 ölkələri Sudan, Konqo Demokratik Respublikası, İşğal Edilmiş Fələstin Ərazisi, Ukrayna və digər münaqişə zonalarında ədalətli sülhə nail olmağa çalışacaqlarına söz veriblər.
Zirvə toplantısı iştirakçıları iqlim dəyişikliyi məsələsini də müzakirə ediblər. Sənəddə qlobal temperaturun yüksəlməsinin qarşısının alınması və Paris Sazişinin tətbiqinin vacibliyi vurğulanıb.
G20 sammiti 22-23 noyabr tarixlərində Yohannesburqda keçirilir. ABŞ görüşü boykot edib. Donald Tramp iclasın Cənubi Afrikada keçirilməsini “əsl rüsvayçılıq” adlandırıb.
