Müğənni Rəqsanə İsmayılova bəzi sosial media hesablarına xəbərdarlıq edib.
Gündəm24.az xəbər verir ki, ifaçı köhnə videolarının yeni kimi tirajlanmasına qarşı çıxıb.
“Bəzi səhifələrə və özünü “media” kimi təqdim edən profillərə rəsmi xəbərdarlıq edirəm. Mən heç bir sosial platformada çıxış etməmişəm və yeni video çəkməmişəm. Hazırda bəzi səhifələr mənim köhnə videolarımı yeni material kimi paylaşaraq izləyici və piar qazanmağa çalışırlar. Zərurət yarandığı təqdirdə aidiyyəti dövlət qurumlarına da rəsmi müraciətlər ediləcək. Xahiş edirəm, şəxsi məzmunumdan icazəsiz istifadə etməyin və mənim adımla ictimaiyyəti çaşdırmayın”, – deyə Rəqsanə qeyd edib.
Xatırladaq ki, bir nəfərə yalan vəd verərək 520 min dollarını və 30 min manatlıq qızıl-zinət əşyalarını ələ keçirməklə ittiham olunan Rəqsanə noyabrın 19-da ev dustaqlığına buraxılıb.
