Keçmiş PA rəhbəri Ramiz Mehdiyevin Dövlət Təhlükəsizliyi Xidmətində cinayət məsuliyyətinə cəlb olunmasından sonra onun və yaxın ətrafının ayrı-ayrı iş adamlarına qarşı etdikləri haqsızlıqlar üzə çıxır.
Gündəm24.az gununsesi.info-ya istinadən xəbər verir ki, belə bir fakt Gəncə şəhərindəki Yeni Gəncə Tibb Mərkəzi ətrafında baş verib.
Belə ki, Ramiz Mehdiyevin kürəkəni İlham Əliyev Samir və Fərid adlı şəxslərlə birlikdə qurduğu tibb mərkəzindən sonradan onları kənarlaşdırıb.
Ramiz Mehdiyevin ölkəni yönəltdiyi məqamda klinikadan uzaq salınan bu şəxslər qorxularından və perspektiv gözləmədiklərindən heç bir orqana şikayət belə etməyib.
Yalnız Ramiz Mehdiyevin cinayət məsuliyyətinə cəlb olunmasından sonra hərəkətə keçən tərəflər klinikaya sahib çıxa biliblər.
Bildirilib ki, İlham Əliyev sakit şəkildə klinikanı keçmiş sahiblərinə qaytarıb. Hazırda bu tibb müəssisəsinə sahiblənən Samir və Fərid adlı şəxslər isə orada çalışan personalın ötən aylardan qalmış əmək haqlarını ödəmək istəmir.
Belə ki, onlar personala bu borcun İlham Əliyevdən tələb olunmasını tövsiyyə edib.
”Yalnız gələcək maaşlarınızı biz ödəyəcəyik” deyə onlara qəti mövqe bildirilib.
