Rusiya Təhlükəsizlik Şurası katibinin müavini Dmitri Medvedev ABŞ Prezidenti Donald Trampın son bəyanatlarına sərt cavab verib.
Gündəm 24.az xəbər verir ki, Medvedev Trampın Rusiyanın zəiflədiyi və Ukraynanın qələbə qazana biləcəyi ilə bağlı fikirlərinə cavabında Amerika liderinin “tam başqa reallıq”da yaşadığını bildirib.
Tramp bundan əvvəl Avropa İttifaqının dəstəyi ilə Ukraynanın nəinki işğal edilmiş əraziləri qaytaracağını, hətta daha da irəli gedə biləcəyini söyləmişdi. ABŞ lideri həmçinin Rusiya iqtisadiyyatını “dəhşətli” kimi qiymətləndirib.
Medvedev bu bəyanatlara cavab olaraq yazıb: “Tramp belə deyil. O, həmişə (əsl reallığa) qayıdır. Ola bilsin, bir neçə gündən sonra (Ukrayna prezidentinə) təslim olmağı və ya hətta Zelenskiyə Maskla birlikdə Marsa uçmağı təklif etsin”.
Rusiya rəsmisi istehza ilə qeyd edib ki, Trampın “alternativ reallığı”nda Ukrayna artıq öz “keçmiş sərhədlərini” (Rusiya tərəfindən işğal edilmiş ərazilərini qaytarıb – red.) bərpa edib, Rusiya iqtisadiyyatı çöküb, Ukrayna iqtisadiyyatı isə öz resursları hesabına böyüyür.
