İran ABŞ-ın münaqişənin nizamlanması ilə bağlı təklif etdiyi 15 bəndlik planı qəbul etməkdən imtina edib. Bu barədə məlumatı “Hizbullah”a yaxınlığı ilə seçilən Livanın “Al Mayadeen” telekanalı yayıb.
Mənbənin verdiyi məlumata görə, Tehran Vaşinqtonun şərtlərini qəbulolunmaz hesab etdiyini artıq Pakistan tərəfinə bildirib.
KONKRET.az xəbər verir ki, ABŞ-ın təqdim etdiyi sənəddə İran üçün kifayət qədər ağır şərtlər yer alıb. Planın əsas bəndləri sırasında üç strateji nüvə obyektinin sökülməsi, uranın zənginləşdirilməsindən tam imtina, raket proqramının dayandırılması, proksi-qruplara dəstəyin məhdudlaşdırılması və Hörmüz boğazının tam açılması tələb olunurdu.
Qeyd edək ki, Tehranın bu addımı bölgədəki gərginliyin diplomatik yollarla həlli istiqamətindəki növbəti dalan kimi qiymətləndirilir.
