Rusiya ordusunun Ukraynanın paytaxtı Kiyev şəhərinə təşkil etdiyi kütləvi hava hücumu nəticəsində xəsarət alanların sayı kəskin artaraq 20 nəfərə çatıb.
Gündəm24.az xəbər verir ki, bu barədə Kiyev şəhərinin mer Vitali Kliçko rəsmi məlumat yayıb.
Kiyev merinin sözlərinə görə, yaralananlardan səkkiz nəfəri xəstəxanalara yerləşdirilib və onlara tibbi yardım göstərilir.
Paytaxt polisinin verdiyi məlumata əsasən, Solomenka rayonunda PUA qalıqlarının düşməsi nəticəsində biznes mərkəzinin və ticarət mərkəzinin binalarına ciddi ziyan dəyib, ticarət mərkəzinin 22 yaşlı mühafizəçisi yaralanıb.
Eyni zamanda Şevçenko rayonunda tibb mərkəzi, qeyri-yaşayış binası və ərazidə park edilmiş çoxlu sayda avtomobil zədələnib.
Xatırladaq ki, daha əvvəl Kiyevə edilən hücum zamanı Ukrayna Yüksək Ədliyyə Şurasının binasının da zərər gördüyü və altı nəfərin yaralandığı barədə məlumat verilmişdi.//musavat.com
