İran və ABŞ nümayəndə heyətləri arasında İslamabadda keçirilən yüksək səviyyəli danışıqlar qısa fasilədən sonra yenidən bərpa olunub. İranın IRIB dövlət televiziyasının məlumatına görə, verilən qısa ara zamanı tərəflərin ekspertləri və ixtisaslaşmış komitələri arasında müzakirələr dayandırılmayıb, əksinə, texniki detallar üzərində iş davam etdirilib.
NOCOMMENT.az xəbər verir ki, İran tərəfi danışıqlar masasına yalnız ABŞ-ın mühüm bir şərti qəbul etməsindən sonra əyləşib.
Məlumata görə, Vaşinqton İranın xaricdəki dondurulmuş maliyyə aktivlərinin sərbəst buraxılması ilə bağlı ilkin razılığını bildirib.
Tehranın iki əsas tələbindən biri olan aktivlərin ləğvi məsələsi artıq razılaşdırılmış hesab olunsa da, ikinci mühüm bənd — Livanda tam atəşkəsin təmin edilməsi istiqamətində müzakirələr hələ də gərgin şəkildə davam edir. İran tərəfi Livandakı hərbi əməliyyatların dayandırılmasını bölgədəki ümumi sabitliyin ayrılmaz tərkib hissəsi kimi qeyd edir.
