ABŞ Prezidenti Donald Tramp özünəməxsus “Truth Social” sosial şəbəkəsində İranı hədəf alan növbəti kəskin xəbərdarlıqla çıxış edib. O, İranın hərbi-dəniz donanmasının artıq məhv edildiyini və 158 gəmisinin dənizin dibində olduğunu bəyan edib.
Gündəm24.az xəbər verir ki, Ağ Ev rəhbəri indiyədək zərbə endirilməyən kiçik “sürətli hücum qayıqlarını” ciddi təhlükə hesab etmədiklərini vurğulasa da, Tehranı blokadanı pozmaq cəhdlərindən çəkinməyə çağırıb. Tramp qeyd edib ki, əgər bu qayıqlardan biri belə ABŞ-ın qurduğu blokadaya bir addım yaxınlaşarsa, onlar dərhal ləğv ediləcək. Prezident bu prosesin dənizdəki narkotacirlərə qarşı tətbiq olunan “sürətli və amansız” sistemlə həyata keçiriləcəyini bildirərək, ABŞ sahillərinə gələn narkotiklərin 98,2%-nin qarşısının məhz bu yolla alındığını xatırladıb./NOCOMMENT.az
