Türkiyənin Milli İstehbarat Təşkilatı İran İslam İnqilabının lideri Ayətullah Ruhullah Xomeyninin ölkədə qaldığı dövrlə bağlı məxfi sənədi dərc edib.
Gündəm24.az Axar.az-a istinadla xəbər verir ki, arxiv sənədinə görə, İran dövlət xadimi 1964-cü il noyabrın 4-dən 1965-ci il oktyabrın 5-nə qədər Türkiyədə, kəşfiyyat orqanlarının nəzarəti altında olub.
“Tam məxfi” kateqoriyasına və 1964-cü il noyabrın 11-nə aid sənəddə Xomeyninin Bursada yaşadığı, yazışmalarda isə “İran qonağı”nın “Bəlli” (Belli) kod adı ilə ölkəyə keçdiyi bildirilir.
