Kahramanmaraşda məktəbə silahlı hücum edən 14 yaşlı yeniyetmənin anası da saxlanılıb. Bir qədər əvvəl hücumçunun polis rəisi olan atası nəzarətə alınmışdı. Bu gün isə onun müəllim işləyən anası ifadə vermək üçün polis bölməsinə aparılıb.
Gündəm24.az xəbər verir ki, hadisə Onikişubat rayonundakı orta məktəblərin birində baş verib. 8-ci sinif şagirdi İsa Aras məktəbə 5 tapança və çoxlu sursatla gəlib. O, sinif otaqlarına girərək qəfildən atəş açmağa başlayıb. Silahlı hücumda 8 şagird və 1 müəllim həlak olub. Daha 13 nəfər isə müxtəlif yaralar alıb. Yeniyetmə sonda özünü də öldürüb.
İstintaq qrupu cinayətdə istifadə edilən silahların atasına məxsus olduğunu müəyyən edib. Hazırda hüquq-mühafizə orqanları valideynlərin hadisədəki məsuliyyətini araşdırır. Sosial mediada böyük əks-səda doğuran faciə ilə bağlı təhqiqat davam edir.\\demokrat.az
