Bakıda ölümlə nəticələnən yol-nəqliyyat hadisəsi baş verib.
Gündəm24.az xəbər verir ki, hadisə gecə saatlarında paytaxtın Zığ dairəsi-Hava Limanı yolunda qeydə alınıb.
Belə ki, “Toyota” markalı avtomobil ilə “Hyundai” markalı yük maşınının toqquşması nəticəsində minik avtomobili alışıb. Hadisə nəticəsində “Toyota”da olan bir nəfər ölüb, iki nəfər isə xəsarətlərlə xəstəxanaya yerləşdirilib.
Hadisə ilə bağlı Fövqəladə Hallar Nazirliyindən Oxu.Az-ın sorğusuna cavab olaraq bildirilib ki, nazirliyin “112” qaynar telefon xəttinə paytaxtın Zığ dairəsi-Hava Limanı yolunda avtomobildə yanğın baş verməsi barədə məlumat daxil olub.
