Şəmkir rayonunda 29 yaşlı oğlanın arvadı ilə mübahisə etməsi cinayətlə nəticələnib.
Gundem24.az Demokrat.az-a istinadən bildirir ki, hadisə bu ilin iyunun 9-da rayonun kəndlərindən birində baş verib. Məlumata görə, tərəflər arasında yaranan vəziyyət gözlənilmədən baş verib. Faktla bağlı araşdırma aparılır.
Kənd sakini, 1996-cı il təvəllüdlü Mədət həmin gün saat 21:15-də arvadı Mədinə (adlar şərtidir – red.) ilə yaşadıqları evdə mübahisə edib.
Aralarında baş vermiş ailə-məişət münasibətləri zəminində mübahisə zamanı arvadını döyərək, ona müxtəlif dərəcəli bədən xəsarətləri yetirib.
Hadisəni törədən Mədətin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə ifadə verən Mədət ona elan olunmuş ittiham üzrə özünü təqsirli bilib. Bu işə Şəmkir Rayon Məhkəməsində baxılıb.
Məhkəmədə məlum olub ki, təqsirləndirilən şəxs zərərçəkənlə barışıq əldə edib. Bu səbəbdən zərərçəkmiş də ona qarşı şikayətini geri götürüb.
Məhkəmənin hökmü ilə Cinayət Məcəlləsinin 73.2-ci maddəsi tətbiq edilməklə təqsirləndirilən şəxs cinayət məsuliyyətindən azad edilib və iş üzrə icraata xitam verilib.
