31 Dekabr – Dünya Azərbaycanlılarının Həmrəyliyi Günü 1989-cu ilin dekabrında Araz çayı boyunca sərhəd məftillərinin sökülməsi ilə başlayan milli oyanış hərəkatının rəmzi kimi tarixə düşüb.
Gündəm24.az xəbər verir ki, Məhz həmin hadisələr dünya azərbaycanlılarının birliyini və ortaq milli kimliyini bütün dünyaya nümayiş etdirdi. 1991-ci ildə ümummilli lider Heydər Əliyevin təşəbbüsü ilə bu tarix rəsmi olaraq Dünya Azərbaycanlılarının Həmrəyliyi Günü elan edildi.
Bu günün yeni ilin ərəfəsinə təsadüf etməsi həmrəyliyə xüsusi mənəvi məna qatır: köhnə ilin geridə qalması, yeni ilə birlik, ümid və milli həmrəyliklə qədəm qoymaq. Hazırda dünyanın onlarla ölkəsində yaşayan milyonlarla azərbaycanlı 31 Dekabrı eyni ruhla qeyd edərək Vətənlə bağlarını daha da möhkəmləndirir. Bu əlamətdar gün həm tarixi yaddaşın qorunması, həm də gələcək nəsillərə milli birlik mesajının ötürülməsi baxımından xüsusi önəm daşıyır.
Sədaqət Həsənova
