ABŞ-ın dövlət katibi Marko Rubio Cenevrədə aparılan danışıqlarda sülh planını Ukrayna xeyrinə tənzimləməyi bacarıb. Nəşr qeyd edir ki, bu, planın ilkin, Rusiyaya yaxın versiyasından fərqlənir.
Gündəm24.az xəbər verir ki, məlumata görə, Rubio prosesi konstruktiv istiqamətə yönəltməyə çalışıb və Ukrayna ilə danışıqlarda irəliləyiş əldə etməyə çalışıb. Lakin özü kifayət qədər məlumatlı görünməyib: bir məqamda o, təyyarədən narahat senatorlara zəng edərək planın rus sənədi olduğunu bildirib, bir neçə saat sonra isə X sosial şəbəkəsində sənədin ABŞ tərəfindən hazırlanmış olduğunu açıqlayıb.
The Economist vurğulayır ki, Rubio Donal Trampın əvvəlcə təyin etdiyi “Şükran günü” (27 noyabr) üçün deadline-ı təxirə salmağı da bacarıb və Ukraynanın ABŞ kəşfiyyatına və həyati silahlara çıxışı ilə bağlı təhdidlər müvəqqəti olaraq aradan qaldırılıb.
Nəşr qeyd edir ki, ilkin, Rusiyaya meylli planın əsas tərəfdarı ABŞ vitse-prezidenti Jey Di Vens olub. Vens bu planı birbaşa Ukrayna tərəfinə təqdim edib və sənədi Vensin kollecdən dostu Driskoll vasitəsilə Ukraynaya çatdırılıb. The Economist-in fikrincə, Vens ABŞ və Ukrayna arasındakı əlaqələri zəiflətməyə çalışıb, bundan əvvəl o, fevral ayında Tramp və Zelenski arasında televiziyada mübahisə yaranmasına səbəb olmuşdu.
Eyni zamanda, nəşr bildirir ki, Trampın simpatiyaları da Rusiyaya meyllidir və o, Ukraynaya qarşı biganə münasibətini göstərir. Cenevrə danışıqlarından əvvəl Tramp haqlı razılaşma əldə olunmasa Zelenskinin “mümkün qədər mübarizə aparmasını” ironiya ilə qeyd edib və sosial şəbəkədə Ukrayna rəhbərliyinin ABŞ-ın səylərinə heç bir təşəkkür etmədiyini tənqid edib.
Əli Səfərli,
Gundem24.az
