Rusiya mətbuatının 20 fevral tarixli icmalında ABŞ-ın İran yaxınlığında böyük hərbi qüvvə toplaması və bunun fonunda Hindistanın Rusiya neftini almağa davam etməsi əsas mövzu olub. Bildirilir ki, Dehli enerji təhlükəsizliyini prioritet sayaraq Moskva ilə əməkdaşlığı saxlayır.
Gündəm24.az xəbər verir ki, Rusiya qəzetlərinin 20 fevral cümə günü yayımlanan xəbərlərinə görə, Hindistan ABŞ-ın təzyiqlərinə baxmayaraq Rusiya neftini almağa davam edir, Aİ-də qaz ehtiyatları dörd ilin ən aşağı səviyyəsinə düşüb və ABŞ regionda ən böyük dəniz-hava qüvvələrini cəmləyib; bu fonla Brent neftinin qiyməti altı ayın ən yüksək səviyyəsinə qalxıb.
Hindistan enerji təhlükəsizliyini prioritet sayaraq milli maraqlarına uyğun idxalı davam etdirir və ABŞ-ın sanksiya və tarif təzyiqlərinə baxmayaraq strateji muxtariyyətini qoruyur. Aİ-də qaz böhranı riski artmaqda davam edir, ABŞ-ın LNG ixracı və qiymət artımı isə vəziyyəti mürəkkəbləşdirir.
Yaxın Şərqdə ABŞ-İran gərginliyi davam edir; İran potensial çoxcəbhəli cavab tədbirlərinə hazırdır, Zelenski isə atəşkəs çağırışı edib və seçki qrafikini dəyişmək niyyətindədir. Brent neftinin qiymətləri Yaxın Şərqdəki gərginlik fonunda 71 dollar/barel səviyyəsinə qalxıb, investorlar isə Hörmüz boğazının bağlanma riskini izləyir.
Sədaqət Həsənova
