Ursula fon der Leyen enerji təchizatı üzrə müttəfiqlər üçün kritik bir vəziyyətin olduğunu qeyd etməklə yanaşı, “danışıqlar yolu ilə həll yoluna gəlməyin” vacibliyini vurğuladı.
Gündəm24.az xəbər verir ki, “The Australian” qəzetinin yazdığına görə, Avropa Komissiyasının prezidenti Ursula von der Leyen bildirib ki, Avropa İttifaqı yalnız ABŞ və İsrail arasında İrana qarşı hərbi əməliyyatlar başa çatdıqdan sonra Hörmüz boğazına missiya göndərməyi nəzərdən keçirə bilər. Onun sözlərinə görə, Aİ liderləri bu məsələdə açıq mövqe ortaya qoyublar.
O qeyd edib ki, bölgədəki gərginlik artıq qlobal enerji bazarına ciddi təsir edir və bu, qaz və neft qiymətlərində hiss olunur. Buna baxmayaraq, çıxış yolunun danışıqlardan keçdiyini vurğulayıb.
Bu arada, martın 21-də ABŞ prezidenti Donald Trump Hörmüz boğazı açılmayacağı təqdirdə İranın enerji obyektlərinə zərbə endirilə biləcəyi ilə bağlı xəbərdarlıq edib. Tehran isə cavab zərbələri ilə hədələyib.
Martın 23-də isə Tramp Pentaqona planlaşdırılan hücumları 5 gün təxirə salmağı əmr edib. O, bunu Vaşinqton və Tehran arasında “konstruktiv danışıqlar”la əsaslandırsa da, İran bu iddiaları təkzib edib.
Bundan əvvəl, martın 19-da Böyük Britaniya, Fransa, Almaniya, İtaliya, Hollandiya və Yaponiya Hörmüz boğazında təhlükəsiz naviqasiyanın təmininə dəstək verməyə hazır olduqlarını açıqlayıblar. İran isə boğazın bağlanmadığını, yalnız ABŞ və İsraillə əlaqəli gəmilərin hədəf alındığını bildirir.
Sədaqət Həsənova
