Gündəm24.az xəbər verir ki, Rusiya Xarici İşlər Nazirliyinin Avropa işləri departamentinin direktoru Vladislav Maslennikov TASS-a verdiyi müsahibədə bildirib ki, Avropa Komissiyasının prezidenti Ursula fon der Leyenin siyasətinə qarşı çıxan siyasi qüvvələrə Avropada dəstək artır və bu meyl Aİ daxilində siyasi narazılıqların dərinləşdiyini göstərir.
O əlavə edib ki, bir neçə Aİ üzv dövlətində sağçı partiyalar populyarlıq qazanır və bu partiyalar “Brüsselin bir çox təşəbbüslərinə, o cümlədən Rusiyaya qarşı qarşıdurma yanaşmasına qarşı olduqca tənqidi mövqe tuturlar”. Maslennikov qeyd edib ki, bu tendensiya Avropa cəmiyyətlərinin hipotetik geosiyasi məqsədlərdən daha çox, vətəndaşlarının maraqlarını prioritet edən milli yönümlü siyasətçilərə üstünlük verdiyinə dair sübut kimi qiymətləndirilə bilər.
O həmçinin vurğulayıb ki, Avropanın siyasi mənzərəsində fon der Leyenin Kiyevə qeyd-şərtsiz dəstəyi qorumaq üçün “kəmərləri sıxmaq” çağırışlarına əməl etmək istəməyən və bu siyasətin Aİ üzv dövlətlərinə vurduğu ziyanı görən daha çox insan var. Buna baxmayaraq, Maslennikov bildirib ki, bu qüvvələr hələ də seçicilər arasında çoxluq təşkil etmirlər və sağçı partiyaların yüksəlişi Avropada güc balansında və ya xarici siyasətdə köklü dəyişikliklər üçün hələ erkən hesab olunur.
Sədaqət Həsənova
