Gündəm24.az xəbər verir ki, O,RNE radiostansiyasının məlumatına görə, İspaniya dəmir yolu operatoru Renfe şirkətinin baş icraçı direktoru Alvaro Fernandes Heredia Əndəlüsdə baş verən dəmir yolu fəlakətində insan amilinin demək olar ki, tamamilə istisna olunduğunu açıqlayıb.
Heredia O,RNE radiostansiyasına verdiyi müsahibədə bildirib ki, “İnsan səhvi demək olar ki, tamamilə istisna olunur. Əgər operator səhv qərar verərsə, sistem onu özü düzəldir”. O, hadisənin səbəbini “dəmir yolu və ya infrastrukturla bağlı problem” ilə əlaqələndirib və istintaqın nəticələrini gözləməyi tövsiyə edib.
18 yanvar axşamı Əndəlüs muxtariyyətində baş verən qatar fəlakəti, Malaqadan Madridə hərəkət edən yüksək sürətli qatarın relsdən çıxması ilə nəticələnib. Toqquşma, paytaxtdan Huelvaya gedən qarşıdan gələn qatarın yoluna çıxması səbəbindən baş verib. Relsdən çıxan qatarda 317, digər qatar isə təxminən 100 sərnişin daşıyıb. EFE xəbər agentliyinin məlumatına görə, hadisə nəticəsində ölənlərin sayı 39-a çatıb, ən azı 152 nəfər isə yaralanıb.
Renfe-nin baş direktoru bu faciənin səbəblərinin tam müəyyən edilməsinin yalnız rəsmi istintaqın nəticələrindən sonra mümkün olacağını vurğulayıb. O, həmçinin sərnişinlərin və onların ailələrinin təhlükəsizliyinin və rahatlığının şirkət üçün prioritet olduğunu əlavə edib.
Sədaqət Həsənova
