Xarici İşlər Nazirliyinin sözçüsü Mariya Zaxarova bildirib ki, Moskva həmişə Ukraynanı “suveren, müstəqil dövlət” kimi qəbul edib.
Gündəm24.az xəbər verir ki, TASS-a açıqlama verən Rusiya Xarici İşlər Nazirliyinin sözçüsü Mariya Zaxarova bildirib ki, Qərb ölkələri Ukraynanı “nasizm baxımından Avropa dövləti” etməyə nail olublar. O, bu fikirləri Münhen Təhlükəsizlik Konfransında Finlandiya prezidenti Aleksandr Stubbun Vladimir Putinin Ukraynanı ruslaşdırmaq istədiyi, lakin ölkənin artıq “avropalı” olduğu barədə səsləndirdiyi bəyanata cavab olaraq səsləndirib.
Zaxarova deyib ki, “avropalı” anlayışının nə məna daşıdığını bilmədiyini, lakin əgər bu, Avropanın tarixində dəfələrlə özünü göstərmiş nasizmlə əlaqələndirilirsə, o zaman Ukraynanın bu istiqamətə sürükləndiyini iddia edib. Diplomat vurğulayıb ki, Rusiya heç vaxt Ukraynanın suverenliyinə hörmətsizlik etmək niyyətində olmayıb və ona daim müstəqil dövlət kimi yanaşıb.
Onun sözlərinə görə, Moskva Sovet İttifaqının dağılmasından sonra Kiyevlə diplomatik münasibətlər qurub, səfirliklər açıb, müxtəlif hökumətlərarası sazişlər, o cümlədən hərbi-dəniz sahəsində razılaşmalar imzalayıb və iqtisadi əlaqələri beynəlxalq prinsiplər əsasında davam etdirib. Zaxarova əlavə edib ki, Rusiya Ukraynada dövlət çevrilişi etməyib və Maydan hadisələrinin arxasında Qərbin dayandığını iddia edərək, Qərb diplomatlarının həmin proseslərdə iştirakını xatırladıb.
Sədaqət Həsənova
