ABŞ Prezidenti Donald Tramp Nyu-Yorkda BMT Baş Assambleyasının 80-ci sessiyası çərçivəsində Suriya lideri Əhməd əl-Şaraa ilə görüşüb.
- Gündəm 24.az xəbər verir ki, Suriyanın SANA agentliyi əl-Şaranın Trampla əl sıxdığını əks etdirən iki fotoşəkil yayımlayıb.
Görüşdə ABŞ-nin Birinci xanımı Melaniya Tramp da iştirak edib.
Əlavə məlumat verilmir.
Qeyd edək ki, bu, may ayında Səudiyyə Ərəbistanının paytaxtı Ər-Riyadda baş tutmuş danışıqlarından sonra iki lider arasında ikinci görüş olub.
İsrailin Baş naziri Binyamin Netanyahunun sammit çərçivəsində özü, Tramp və Şaara arasında üçtərəfli görüş keçirmək üçün səy göstərdiyi bildirilir.
