Kremlin sözçüsü Dmitri Peskov daha əvvəl bildirib ki, Rusiya kəşfiyyat xidmətlərində Kiyev rejiminin Qara dəniz qaz kəmərlərində təxribat hazırlıqları barədə məlumatlar var.
Gündəm24.az TASS-a istinadən xəbər verir ki, Rusiyanın Ankaradakı səfirliyi açıqlayıb ki, strateji əhəmiyyət daşıyan “Türk Axını” və “Mavi Axın” qaz kəmərlərinə qarşı təxribat cəhdləri həyata keçirilib. Səfirliyin məlumatına görə, bu hücum cəhdləri “bədniyyətli şəxslər” tərəfindən edilib və enerji infrastrukturuna ciddi təhlükə yaradır. Kremlin sözçüsü Dmitri Peskov əvvəllər bildirmişdi ki, Rusiya kəşfiyyatı Kiyev rejiminin Qara dənizdəki qaz kəmərlərində təxribat hazırlıqları barədə məlumatlara malikdir və bu informasiyaları Türkiyə ilə bölüşüb. Bu açıqlamalar regionda enerji təhlükəsizliyi və diplomatik gərginliyin artacağına dair narahatlıqları gücləndirir.
Sədaqət Həsənova
