Böyük Britaniyanın ABŞ-dakı keçmiş səfiri və Leyborist Partiyasının tanınmış simalarından biri olan Peter Mandelson, Jeffrey Epstein ilə əlaqəli dövlət vəzifəsi pozuntusu istintaqının bir hissəsi olaraq saxlanıldıqdan sonra girov müqabilində azadlığa buraxılıb.
Gündəm24.az xəbər verir ki, Reuters-in əldə etdiyi məlumata görə, London Metropoliten Polisi açıqlayıb ki, vəzifə səlahiyyətlərini pozmaqda şübhəli bilinən 72 yaşlı şəxs istintaq müddətində girov müqabilində sərbəst buraxılıb. Britaniya polis prosedurlarına görə, adı açıqlanmasa da, şübhələnin əvvəlki məlumatlara əsasən Mandelson olduğu təsdiqlənib. Bazar ertəsi günü Mandelson mülki geyimli polis əməkdaşları tərəfindən Londondakı evindən çıxarılıb.
İstintaq Mandelsonun təxminən 15 il əvvəl Ceffri Epşteynə hökumətə aid həssas məlumatları ötürdüyü iddialarına əsaslanır. ABŞ Ədliyyə Nazirliyinin yanvar ayında açıqladığı 3 milyondan çox sənəddə qeyd olunur ki, 2009-cu ildə Mandelson Böyük Britaniya hökumətinin daxili hesabatını Epşteynə təqdim edib. Həmçinin, onun bankir bonuslarına vergiləri azaltmaq üçün hökumət daxilində işləyə biləcəyini göstərdiyi iddia edilir.
Böyük Britaniyanın Baş naziri Keir Starmer isə Mandelsonun təyinatla bağlı səhv etdiyini etiraf edib və Epsteynin qurbanlarından üzr istəyib. Mandelsonun Londonda və qərbi İngiltərədəki iki evində axtarış aparılıb və istintaq davam edir.
Sədaqət Həsənova
