Prezident Ərdoğan “Əşarq əl-Əvsat”a verdiyi müsahibədə Qəzzada daimi atəşkəs, İran və Suriya ilə bağlı gərginlik barədə açıqlamalar verib.
Gündəm24.az xəbər verir ki, Prezident Rəcəb Tayyib Ərdoğan “Asharq Al-Awsat” qəzetinə verdiyi müsahibədə Türkiyənin regional sülh, təhlükəsizlik və əməkdaşlıq baxışlarını açıqlayıb. Türkiyə-Səudiyyə Ərəbistanı münasibətlərində ortaq məsuliyyət və iqtisadiyyat, investisiya, müdafiə sənayesi, enerji sahələrində konkret əməkdaşlıq önə çəkilir; Ərdoğan həm regional məsləhətləşmələri dərinləşdirməyi, həm də ikitərəfli münasibətləri inkişaf etdirməyi hədəflədiklərini vurğulayıb. İran ətrafındakı gərginliyə toxunan prezident dialoq və sağlam düşüncəyə çağırış edib, Qəzzada davamlı atəşkəs və ədalətli sülhün vacibliyini, Suriya üçün isə ərazi bütövlüyü və terrorizmə qarşı mübarizənin zəruriliyini qeyd edib. Sudan və Somali məsələlərində Türkiyənin sülh, humanitar dəstək və yenidənqurma proseslərinə verdiyi töhfələr, Afrika Buynuzunda sabitliyi pozan addımlara qarşı beynəlxalq məsuliyyət vurğulanıb.
Sədaqət Həsənova
