Son günlər qarayara ilə bağlı aparılan mütəmadi yoxlamalara münasibət bildirən qida təhlükəsizliyi üzrə ekspert İlkin Şirinov bildirib ki, insan sağlamlığı hər zaman ən öndə dayanan məsələdir və bu istiqamətdə nəzarət tədbirləri davamlı aparılmalıdır.Gündəm24.az xəbər verir ki, ekspert qeyd edib ki, mütəmadi baytarlıq nəzarəti ilə yanaşı, baytarlar fermerlərlə daim əlaqədə olmalı, təsərrüfatlarda xəstəliklərin qarşısının alınması üçün qabaqlayıcı tədbirlər görülməlidir.
“Amma burada yalnız təhlükəsizlik məsələsinə deyil, bazardakı vəziyyətə də diqqət yetirmək lazımdır. Yoxlamalar nəticəsində ət bazarında süni panika yaranmamalı, qiymətlərə mənfi təsir göstərilməməlidir. AQTA sahibkarların, qəssabların və fermerlərin yanında olmalı, onlarla koordinasiyalı işləməlidir. Məqsəd həm insan sağlamlığını qorumaq, həm də ət bazarında sabitliyi təmin etməkdir”, – deyə İlkin Şirinov vurğulayıb.
