İnfrastruktur və qonşu yaşayış binalarına ziyan dəyib, xəsarət alan olmayıb.
Gündəm24.az xəbər verir ki, Fars agentliyinin məlumatına görə, İsrail və ABŞ İranın cənub-qərbi və mərkəzində bir qaz boru kəmərinə və paylama stansiyasına zərbələr endirib.
İsfahanda qaz paylama stansiyasının binası və İraqla sərhəddə yerləşən Xürrəmşəhrdəki elektrik stansiyasına gedən boru kəməri hücuma məruz qalıb. Xəsarət alanlar barədə məlumat yoxdur, lakin infrastruktur və bitişik yaşayış binalarına maddi ziyan dəyib.
Martın 21-də ABŞ prezidenti Donald Tramp Hörmüz boğazının 48 saat ərzində gəmiçilik üçün açılmaması halında bir neçə İran elektrik stansiyasının məhv ediləcəyini bildirib. Buna cavab olaraq İran Silahlı Qüvvələrinin Baş Qərargahı xəbərdarlıq edib ki, belə bir hücum halında ABŞ-ın bölgədəki enerji və rabitə infrastrukturu hədəf alınacaq.
Martın 23-də isə Tramp Pentaqona İranın enerji obyektlərinə zərbələri beş gün təxirə salmağı əmr edib, çünki Vaşinqton və Tehran arasında davam edən “konstruktiv danışıqlar” var. İran isə ABŞ-la danışıqlar apardığı iddialarını təkzib edib.
Sədaqət Həsənova
